بقلوب دامية وعيون دامعة، ودّع الأهل والأقارب والأصدقاء ماتيو العلاوي، نجل الأب مجدي العلاوي، في مأتم مهيب في كنيسة مار الياس-أنطلياس، شارك فيه لفيف من الكهنة، والفعاليّات السياسيّة والاجتماعيّة والثقافيّة، وحشد من المؤمنين.
وما زالت وسائل التواصل الاجتماعي تضجّ بالكلمات المفعمة بالألم والحرقة على رحيل الابن البكر لمؤسّس جمعيّة “سعادة السماء” في حين تستمر التحقيقات لكشف ملابسات الوفاة.
كلمة تعزية من الأب بيتر حنا
من الكلمات المؤثّرة التي نعت ماتيو، ما كتبه الأب بيتر حنا عبر الفيسبوك، كونه يشارك والد الراحل الأبوّة ويتفهّم ألمه الشديد بعد غياب فلذة كبده:
“قدّام حرقة قلب البَيّ، شو فينا نقول؟
سمّيت مؤسّستك “سعادة السما”
الهيئة، ما فيه غير السما رح تعطيك السعادة!
شو قاسية هالأرض يا أبونا…
خبار كتير، وناس كتار…
بس كلو رح يفلّ، بس تبقى الليلة وحدك ع مخدّتك…
عم فكّر، شو ممكن تفكّر…
عم فكّر كيف ممكن توعا…
أنا بَيّ… عم جرّب إفهمك…
شو قاسية هالأرض يا أبونا…
رجّعت ناس من موت المخدّرات…
رجّعتن من حضن اليأس…
رجّعتن لأهلن…
قديش طعميت، وعم تطعمي كل يوم، ناس وولادن…
مش مزبوط تعمل معك هيك الأرض…
شو قاسية هالأرض يا أبونا…
ما تزعل…
فيه سما… وفيه الله…
ما تزعل… المسيح قام يا أبونا!”
